كلمة الأستاذ عبد المعطي حاضري – الأمين العام لتجمع شباب الحرية
السلام عليكم ورحمة الله وبركاته
السادة الحضور أسعد الله مساءكم بكل خير.
باسمي وباسم تجمع شباب الحرية أرحّب بكم من جديد.
لن أطيل عليكم، ومن هون رح بلّش أحكي معكم بصراحة…
قبل الثورة كان التاريخ ينكتب بالحبر، بس نحنا ما كتبناه بالحبر…
لأنه الحبر ضعيف وبيّنمحى، بس اللي مرّ علينا ما بينمحى.
نحنا كتبنا تاريخنا بدم الشهداء، وبجروح المعتقلين، وبقوة الأمهات، وبصوت الشباب اللي ما خافوا.
كتبناه على بيوتنا المهدمة، وعلى الطرقات اللي مشينا فيها، وعلى كل حلم حاولوا يكسروه… لحتى تضل كلمة الحق موجودة، ولحتى الجيل اللي بعدنا يعرف الطريق اللي سرناه ويعرف قديش دفعنا لنوصل للكرامة والحرية.
الحرية مو مطلب… الحرية قدر، ومن حاول يمنعها خسر قدره قبل ما يخسرنا.
ونحنا أهل هالبلد… رح نضل واقفين، وما رح نترك سوريا للي بدهم يقسموها أو يسيطروا عليها على حساب دمنا وتعبنا.
سوريا إلنا… لكل واحد صرخ وصبر ووقف بوجه الظلم.
والحرية… الحرية متل الشمس، إذا غابت يوم بترجع تشرق من جديد.
رحم الله كل الشهداء.
عاشت سوريا وسقط الأسد
عاشت سوريا وسقط الأسد
كل الحب والاحترام الاستاذنا الكبير
ردحذف